ئیخوان موسلیمین بەرەو لیستی رێکخراوی تیرۆری جیهانی هەنگاو دەنێت
SNN
ئەندامانی لیژنەی پەیوەندییەکانی دەرەوەی ئەنجوومەنی پیرانی ئەمریکا، راپۆرتێکی ورد ئاراستەی کۆنگرێسی ئەمریکا دەکات تا گروپی ئیخوان موسلیمین بخاتە لیستی تیرۆری جیهانییەوە، بەهۆی کاری هاندان و پاڵپشتی کردنی تیرۆر و گروپە توندڕەوەکان لە جیهاندا.
کۆنگرێس ماوەیەکە بە چڕی چاوی خستۆتە سەر تەواوی گروپە توندڕەو ئیسلامییەکان لە جیهادا، تەنانەت ئەو گروپانەشی هێزی چەکداریان نییە، چونکە ئەمریکا ئاماژە بەوە دەکات گروپە بێ چەکەکان لە گروپە چەکدارەکان ترسناکترین و چونکە بەشێوەیەکی بێدەنگ هەزاران گەنج بۆ کاری تیرۆرستی پەروەردە دەکەن، ئیخوان موسلیمینیش یەکێکە لەو گروپانە کە لە رۆژهەڵاتی ناوەڕاست و ئەوروپا بیری تیرۆر بڵاودەکاتەوە.
لە زۆربەی وڵاتانی عەرەبیشدا گروپی ئیخوان موسلیمین لە لیستی تیرۆردا هەژمار دەکرێت، بەتایبەت وڵاتی سعودییە کە دژایەتی ئەم گروپە زۆر بە توندی دەکات و بە لە دین دەرچوویان ناو دەبات.
