وێنە:له خولی پله یه‌كی عێراق یانەی خاک بردنەوە تۆمار دەکات
دیمەنێک لە خولی پلە یەکی عێراق
حسێن كه‌ركوكی-SNN Sport
ئێواره‌ی ئه‌مڕۆ ( پێنجشه‌ممه) له چوارچێوه‌ی یارییه‌كانی پاڵاوتنی یانه پله یه‌كه‌كانی عێراق ، سێ یاری به‌ڕێوه‌چوون، تێیدا یانەی خاک و سۆلاڤی نوێ و باباگوڕگوڕ بردنەوەیان تۆمارکرد .
له یاری یه‌كه‌مدا و له سه‌ر یاریگای خۆی یانه‌ی خاك رووبه‌ڕووی یانه‌ی ئاشتی ( داقوق)بووەوە ، یارییه‌كه‌ش به بردنه‌وه‌ی یانه‌ی خاك به گۆڵێكی بێبه‌رامبه‌ر كۆتاییهات ، كه یاریزان ( حه‌سه‌ن ئاراس ) له خوله‌كه‌ی (3+90 ) تۆماریكرد.
به‌م ئه‌نجامه‌ش یانه‌ی خاک كۆی خاڵه‌كانی بوون به شه‌ش خاڵ.
له یارییه‌كی تری هه‌مان گه‌ڕدا، له یاریگای گازی باكوور یانه‌ی ( دووز) رووبه‌ڕووی یانه‌ی له‌یلان بووه‌وەو یارییه‌كه‌ش به بردنه‌وه‌ی یانه‌ی دووز به ئه‌نجامی ( 1- سفر ) ته‌واوبوو .
له یاری سێیه‌مدا و له یاریگای باباگوڕگوڕ وا بڕیاربوو یانه‌ی پێشه‌وا و قه‌ڵعه رووبه‌ڕووی یەكتر ببنه‌وه ، به‌ڵام تیپی قه‌ڵعه ئامادەی یاریەکە نه‌بوو.
ئه‌نجامه‌كانی تر:
یانه‌ی باباگوڕگوڕ × یانه‌ی كه‌یوان 3-1 گۆڵ
یانه‌ی سۆلاڤی نوێ × یانه‌ی ئه‌خا 4- 1 گۆڵ
جێی ئاماژه‌پێكردنه خوله‌كه به به‌شداری 18یانه به‌رێوه‌ده‌چێت و دابه‌شبوون سه‌ر سێ گرووپدا.
