وێنە:كه‌ركوك خانمانی هێزی له‌شی عێراق كۆده‌كاته‌وه‌و هەڵەبجە دەبێتە پاڵەوان
یاریزانە بەشداربووەکان
حسێن كه‌ركوكی-SNN Sport
لیژنه‌ی هێزی له‌شی كلاسیكی عێراق پاله‌وانێتی هێزی له‌شی خانمانی عێراقی له شاری كه‌ركوك ئه‌نجامدا و تێیدا پارێزگای هەڵەبجە لەسەر ئاستی پێشکەوتووان بووە پاڵەوان.
سه‌باره‌ت به پاڵه‌وانێتیه‌كه (محه‌مه‌د شه‌مسه‌دین ) سه‌رۆكی لیژنه‌ی هێزی له‌شی كلاسیكی كه‌ركوك وتی:” پاڵه‌وانێتیه‌كه به به‌شداری 40 یاریزان بۆ ئاستی پێشكه‌وتووان و لاوان به‌رێوه‌چوو كه زیاتر تیپه‌كانی كوردستان بوون ، تێیدا خانمه یاریزان ( میدیا فیزوڵا ) نازناوی باشترین یاریزانی به‌ده‌ستهێنا لە کۆی هەر سێ کێشەکە بە 500 كگم “.
ئه‌نجامه‌كانی له سه‌ر ئاستی پێشكه‌وتووانی خانمان به‌م شێوه‌یه بوون:
- پارێزگای هه‌ڵه‌بجه پله‌ی یه‌كه‌م
- پارێزگای سلێمانی پله‌ی دووه‌م
- پارێزگای كه‌ركوك پله‌ی سێیه‌م
له سه‌ر ئاستی لاوانی :
- پاریزگای كه‌ركوك پله‌ی یه‌كه‌م
- پارێزگای هه‌ڵه‌بجه پله‌ی دووه‌م
- پارێزگای سلێمانی پله‌ی سێیه‌م
