بۆ چارەسەركردنی كێشەی گەنمی جوتیاران سبەی شاندێکی پەرلەمانی كوردستان دەچێتە بەغدا

SNN- بڕیار محەمەد

ئەندامێی لیژنەی كشتوكاڵ و ئاودێری لە پەرلەمانی كوردستان رایدەگەیەنێت بە مەبەستی چاسەرەكردنی كێشەی نەدانی پارەی چووتیارنی هەرێمی كوردستان بەیانی لیژنەكەمان دەچێتە بەغدا و لەگەڵ بەرپرسانی حكومی كۆدەبێتەوە.

عوسمان كەریم، ئەندامی لیژنەی كشتوكاڵ و ئاودێری لە پەرلەمانی كوردستان بە SNNی راگەیاند: بەیانی ژماریەك لە ئەندامانی لیژنەی كشتوكاڵ و ئاودێری پەرلەمانی كوردستان دەچینە بەغدا و لەوێ لەگەڵ وەزیری كشتوكاڵ و وەزیری بازرگانی و سەرۆككۆماری عێراق كۆدەبینەوە بەمەبەستی چارەسەركدنی كێشەی ئەو جوتیارانی لە ماوەی ساڵی رابردوو گەنمەكانیان رادەستی سایلۆكان كردووە، بەڵام پارەكانیان وەرنەگرتووە.

وتیشی “ئەو پارەیەی لای حكومەتی عێراق ماوەتەوە كە هی جوتیارانە 557ملیار دینارە و ساڵی پاریش بۆ هەمان مەبەست چووینە بەغدا ئەمساڵ دەمانەوێت بە هەر شێوەیەك بێت ئەو كێشەیە چارەسەر بكەین ئەگەر هەموو پارەكەش بەسەر یەكەوە نەبێت ئەواپێویستە بە شێوەی قیست بە چەند مانگێك بدرێتەوە جووتیاران””.

ئاماژەی بەوەشكرد بەپێی ئەو زانیاریانەی هەمانە بەشێك لەو پارەیەی لەلایەن وەزارەتی دارییەوە ئاراستەی وەزارەتی بازرگانی كراوە بەشەكەی تریش هێشتا بڕیاری لەسەر نەدراوە بۆیە ئەمجار هەوڵدەدەین مستەفا كازمی سەرۆكی ئەنجومەنی وەزیرانیش بین بۆ ئەوەی بتوانین كێشەكان چارەسەر بكەین.