ئەمریکا دوو لایەنی عێراقی بە هێرشکردنە سەر باڵیۆزخانەکەی تۆمەتباردەکات

SNN

یاریدەدەری وەزیری دەرەوەی ئەمریكا بۆ كاروباری خۆرهەڵاتی نزیك رایگەیاند: دوو لایەنی عێراقی هێرشدەکەنە سەر باڵیۆزخانەی ئەمریکا لە بەغدا.

دەیڤد شینکەر ئەمڕۆ لە راگەیەندراوێکدا وتی: “ئەوانەی دەستیان لە هێرشەكانی سەر باڵیۆزخانەی ئەمریكا و نێردە دیپلۆماسییەكاندا هەیە، دوو لایەنی عیراقین كە لە گەندەڵكاران و بكوژانی خۆپیشاندەران پێكدێن”.

وتیشی: ”دەستدرێژییەكان بۆسەر باڵیۆزخانەی ئەمریكا و هێزە ئەمریكییەكان لە بنكە عێراقییەكاندا، دەستدرێژییە بۆسەر سەروەریی عێراق، و دەستدرێژییە بۆسەر شەرعیەتی حكومەتی عیراق و دەسەڵاتی یاسای عێراقی”.

هاوکات هەوڵەکانی مستەفا کازمی بۆ لێکۆڵینەوە لەو کەسانەی لە پشت هێرشەکانەوەن، بەرزنرخاند.