نەتەوە یەکگرتووەکان نوێنەری خۆی بۆ پرسی هەڵبژاردنەکان لە عێراق دیاریکرد
SNN
ئەمینداری گشتیی نەتەوە یەکگرتووەکان (ئینگیبیورگ سۆلرۆن گیچلادوتێر)ی ئایسلەندی وەک نوێنەری تایبەتی رێکخراوەکە بۆ کاروباری سیاسی و هەماهەنگکاری هەڵبژاردن دیاریکرد کە ئەرکەکەی لە چوارچێوەی یۆنامی-دایە.
لە بەیاننامەیەکیدا رێکخراوی نەتەوە یەکگرتووەکان رایگەیاندووە “خاتوو ئینگیبیورگ سۆلرۆن گیچلادوتێر دیاریکراوە ببێتە نوێنەری سکرتێری گشتی لە عێراق و شوێنی خاتوو ئلیس ۆڵبوڵی بەریاتنی دەگرێتەوە کە مانگی شوبات ئەرکەکەی تەواو دەکات”.
پێشتر و ساڵی 2007 تا 2009 گیچلادوتێر وەزیری دەرەوەی ئایسلەندا بووە، ماوەی 7 ساڵیش ئەندامی پەرلەمان بووە، دکتۆرا و ماستەری هەیە لە مێژوودا لە زانکۆکانی ئایسلەندا و کۆبنهاگن.
