سەرۆکایەتیی هەرێم ئیدانەی تەقینەوەکانی شاری بەغدا دەکات
لۆگۆی سەرۆکایەتیی هەرێم
SNN
سەرۆکایەتیی هەرێمی کوردستان لەبارەی تەقینەوەکانی بەغداوە رایدەگەیەنێت “بە تووندی سەرکۆنەی ئەو هێرشە “تیرۆریستییە” دەکەین، ئامادەییش دەردەبڕێت له نه‌خۆشخانه‌كان پێشوازى له قوربانییانی هێرشه‌كان بكرێت”.
ئەمڕۆ لە دوو تەقینەوەی خۆکوژی جیاوازدا لە گۆڕەپانی تەیەران لە بەغدا بەپێی دوایین ئامار، 28 کەس کوژراون و 73 کەسی دیکەش برینداربوون.
لە بەشێکی دیکەی راگەیەنراوەکەدا لەبارەی بریندارەکان ئاماژە بەوە دراوە، کە هه‌رێمى كوردستان به هه‌موو شێوه‌يه‌ك ئاماده‌يه له نه‌خۆشخانه‌كانى پێشوازى له برينداران و به‌ركه‌وتووانى هێرشه‌كان بكات و هه‌موو خزمه‌تگوزارييه‌كى پزيشكيى پێويستيان پێشكه‌ش بكات.
دەقی راگەیێندراوەکەی سه‌رۆكايه‌تيى هه‌رێمى كوردستان
به توندی سه‌رکۆنه‌ی ئه‌و هێرشه تیرۆرستییه خۆکوژییانه ده‌که‌ين که ئه‌مڕۆ له به‌غدا به شێوه‌يه‌كى زۆر دڕندانه هاووڵاتیانی کرده ئامانج و ژماره‌یه‌کی زۆریان شه‌هید و بریندار بوون. پرسه و سه‌ره‌خۆشی له خانه‌واده‌کانیان ده‌که‌ين و هاوسۆز و هاوخه‌میانين، هیوای سه‌لامه‌تی و زووچاکبوونه‌وه بۆ برینداران ده‌خوازين. هه‌رێمى كوردستان به هه‌موو شێوه‌يه‌ك ئاماده‌يه له نه‌خۆشخانه‌كانى پێشوازى له برينداران و به‌ركه‌وتووانى هێرشه‌كان بكات و هه‌موو خزمه‌تگوزارييه‌كى پزيشكيى پێويستيان پێشكه‌ش بكات.
ئه‌م هێرشه تيرۆرستيانه نيشانده‌رى قه‌باره‌ى مه‌ترسييه‌كانى تيرۆرن و لايه‌نه په‌يوه‌نداره‌كان و ته‌واوى هێزه سياسييه‌كانى وڵات ده‌خه‌نه به‌رده‌م به‌رپرسياريه‌تيى نيشتمانى بۆ ته‌بايى و يه‌كڕيزى و هاوبه‌شى و پێكه‌وه‌كاركردن له‌پێناو به‌ره‌نگاربوونه‌وه‌ى ته‌حه‌دييه‌كان و ده‌ربازكردنى وڵات له مه‌ترسى و ئاڵۆزى و كێشه و قه‌يرانه‌كان.
سه‌رۆكايه‌تيى هه‌رێمى كوردستان
2021/1/21
