دۆسیەی نەوت لای وەزارەتی سامانە سروشتییەکانی هەرێم نامێنێت

SNN

ئه‌مڕۆ له‌كۆبوونه‌وه‌یه‌كی گرنگی نێوان هه‌ردوو وه‌زاره‌تی دارایی و سامانه‌ سروشتییه‌كان له‌ناو وه‌زاره‌تی دارایی، بڕیاردراوه‌ له‌مه‌ودوا دۆسیه‌ی نه‌وت بخرێته‌ سه‌ر بودجه‌ی هه‌رێم و چیتر لای وه‌زاره‌تی سامانه‌ سروشتییه‌كان نامێنێت.

بەپێی هەواڵێکی سایتی (ئۆرت پرێس) “ئه‌مڕۆ پێش چوونی وه‌فدی حكومه‌تی هه‌رێم بۆ به‌غدا، هه‌ردوو وه‌زاره‌ت گه‌یشتوونه‌ته‌ ئه‌و رێككه‌وتنه ‌و چیتر له‌هه‌رێمی كوردستانیش پرسی نه‌وت هاوشێوه‌ی عێراق و وڵاتانی دیكه‌ی لێدێت و وه‌زاره‌تی سامانه‌ سروشتییه‌كان مامه‌ڵه‌ به‌ داهاته‌كانه‌وه‌ ناكات، به‌ڵكو ته‌نها كاری ئه‌و وه‌زاره‌ته‌ گرێبه‌ست و مامه‌ڵه‌ی بازرگانی و پرسه‌كانی تایبه‌ت به‌خۆی ده‌بێت، به‌ڵام داهات و ژمێره‌ی وه‌زاره‌ته‌كه، به‌ڕێوه‌به‌رایه‌تی گشتی بودجه‌ی سه‌ر به‌‌ وه‌زاره‌تی دارایی مامه‌ڵه‌ی پێوه‌ده‌كات”.

پێشتر وه‌زا‌ره‌تی سامانه‌ سروشتییه‌كان گرێبه‌ست و فرۆشتن و مامه‌ڵه‌كردن و ژمێره‌ و داهاتی نه‌وت لای خۆی بووه‌ و مانگانه‌ بڕێك پاره‌ی داوه‌ته‌ وه‌زاره‌تی دارایی، واتا سه‌ربه‌خۆ بووه‌، به‌ڵام بۆ له‌مه‌ودوا ئه‌وه‌ نامێنێت و وه‌زاره‌تی دارایی مامه‌ڵه‌ به‌داهاتی نه‌وته‌وه‌ ده‌كات.