داوا دەکرێت هەڵبژاردنی ئەنجومەنی پارێزگاکان و پەرلەمان پێکەوە بکرێت
بهڕێوهچوونى ههڵبژاردن له عێراق | فۆتۆ: AP
SNN
لیژنەی ھەرێمەکانی لە ئەنجوومەنی نوێنەران رایگەیاند: پشتیوانییەکی گەورە ھەیە کە هەڵبژاردنی ئەنجومەنی پارێزگاکان و پەرلەمانی عێراق لە یەک ڕۆژدا بکرێت، ئەندامێکی لیژنەی یاسایی عێراقیش دەڵێت لەوبارەیەوە گفتوگۆیانکردووە.
لە ڕاگەیەنراوێكدا لیژنەی پارێزگاکان و ھەرێمەکانی عێراق دەڵێت: کوتلە گەورەکان بە تایبەت سائیرون، لە ھەوڵی یەکخستنی وادەی ھەڵبژاردنی ئەنجوومەنی پارێزگاکان و پەرلەماندان تا بەیەكەوە ئەنجام بدرێت.
لەلایەکی دیکەوە ئەندامێکی لیژنەی یاسایی پەرلەمانی عێراق پێشنیازیکردووە وادەی هەڵبژاردنی ئەنجومەنی پارێزگاکان هەمواربکرێت بەجۆرێک، کە 10 رۆژ دوای ئەنجامدانی هەڵبژاردنی پەرلەمان بەڕێوەبچێت یان پێکەوە و لەهەمان رۆژ و بەیەک پڕۆسە ئەنجامبدرێن.
بەهار مەحمود ئەندامی لیژنەی یاسایی پەرلەمانی عێراق رۆژنامەی سەباحی راگەیاندووە، لیژنەیان لەگەڵ لیژنەی هەرێمەکانی پەرلەمان لەبارەی پێشنیازی هەموارکردنی یاسای هەڵبژاردنەکانەوە گفتوگۆیان کردووە.
ئەوەشی خستەڕوو، هەموارکردنەکەوەکە بۆ ئەومەبەستە کراوە، کە کۆمسیۆنی باڵای هەڵبژاردنەکان لەگەڵ ئامادەکاری بۆ هەڵبژاردنی پەرلەمان رێوشوێنی پێویست بۆ هەڵبژاردنی ئەنجومەنی پارێزگاکانیش بگرێتەبەر و ئامادەکاری بکات.
