فراکسیۆنی یەکێتی و کازمی کۆبوونەوە
SNN
وتەبێژی فراکسیۆنی یەکێتی لە پەرلەمانی عێراق رایگەیاند ئەمڕۆ وەفدێکی فراکسیۆنی یەکێتی لە پەرلەمانی عێراق لەگەڵ مستەفا کازمی کۆبووەتەوە.
بەختیار شاوەیس، وتەبێژی فراکسیۆنی یەکێتی لە پەرلەمانی عێراق بە SNNی راگەیاند: لەکۆبونەوەکەدا جارێکی تر فراکسیۆنی یەکێتی جەختی لەچارەسەرکردنی کێشەکانی نێوان هەرێم و بەغدا لەسەر بنەمای دەستور کردەوە، بەتایبەتی کێشەی پشکی هەرێم و موچەی فەرمانبەران.
وتیشی: تەوەرێکی دیکەی کۆبونەوەکە تەرخانکرابوو بۆ خستنەروی کێشەکانی کەرکوک و خانەقین و ناوچەکانی دیکەی ناکۆکی لەسەر، و دۆزینەوەی چارەسەری دەستوری و یاسایی.
لەم بەشەی کۆبونەوەکەدا نوێنەرانی فراکسیۆنی یەکێتی بەوردی ئاماژەیاندا بەکێشەکان و چارەسەری هەنوکەیی و واقعی، بەشێوەیەک کە لەگەڵ هەستیاری و تایبەتمەندی ئەو ناوچانە بگونجێت
