هۆشداری لەبارەی کواڵتی بەنزین لە هەرێمی کوردستان دەدرێت

SNN
تۆڕی پاراستنی تەندروستی گشتی کە لە ژمارەیەک پزیشک پێکهاتووە هۆشداری لەبارەی کاریگەرییە خراپەکانی بەنزین لە کوردستان دەدات.

لە نوسینێکدا تۆڕی پاراستنی تەندروستی گشتی بڵاویکردووەتەوە: بە دڵەراوکێیەکی زۆرەوە دەڕوانینە کواڵیتی خراپی بەنزین لە کوردستاندا. پێکهاتەکانی بەنزینی بەکارهاتوو لە کوردستان هۆکاری دەیان کێشە و نەخۆشی تەندروستین بە شێرپەنجەوە”.

دەشڵێت: “بە گوێرەی بەدواداچونی تۆرەکەمان بەلای کەمەوە دوو پێکهاتەی بەنزین لە کوردستان بەکاردەهێنرێن کە زەرەری تەندروستی گەورەیان هەیە. هەردوو ئەو پێکهاتانەی خوارەوە بۆ زیادکردنی پلەی ئۆکتانی بەنزین بەکاردەهێنرێت لەوانە قوڕقوشم و بەنزینا کە چەندین مەترسی تەندروستی هەیە لە نێویشیاندا( کەمخوێنی، دابەزینی توانای ئەقڵی لە منداڵان، زەرەر لە کۆئەندامی دەمار، بەرزبوونەوەی فشاری خوێن، شێرپەنجە، نەخۆشییەکانی دڵ…هتد).

تۆڕی پاراستنی تەندروستی گشتی پێکهاتوە لە ژمارەیەک تەندروستکار و چالاکەوان بۆ داکۆکیکردنە لە دەزگاکانی کەرتی گشتی تەندروستی.