حەشدی شەعبی رەتی دەکاتەوە کە لە نێو پارێزگای شنگالدا بڵاوەیان پێکرابێت

SNN

بەڕێوەبەرایەتی ئەمنی حەشدی شەعبی هەواڵێک رەت دەکاتەوە کە تێیدا ئاماژە بەوە کراوە کە هێزەکانی حەشدی شەعبی لە پارێزگای شنگال بڵاوەیان پێکراوە.

بەرێوەبەرایەتییەکە ئەمڕۆ دووشەمە لە راگەیەندراوەکەیدا ئەوە رووندەکاتەوە: ماوەی چەند ڕۆژێکە لە تۆڕە کۆمەڵایەتییەکان و هەندێک ماڵپەڕی نا بەرپرس هەواڵی ئەوە بڵاودەکرێتەوە کە هێزەکانی حەشدی شەعبی و هێزەکانی چالاکییە هاوبەشەکان لە شنگال بڵاوەیپێکراوە، بەڵام تەواوی ئەو هەواڵانە دوورە لە راستییەوە، هەروەها حەشدی شەعبی هیچ جۆرە بنکە و بارەگایەکی لەنێو پارێزگای شنگال نییە.