فوئاد حسێن، هۆکاری جێبەجێنەکردنی پرۆژەکانی سعودییە لە عێراق ئاشکرا دەکات
فوئاد حوسێن، وهزیرى دهرهوهى عێراق | فۆتۆ: AHMAD AL-RUBAYE/AFP via Getty Images
SNN
فوئاد حسێن وەزیری دەرەوەی عێراق رایگەیاند: وڵاتی سعودییە بەنیازبوو چەند پرۆژییەکی گەورەی ستراتیژی لە عێراق رابگەیەنێت، بەڵام چەند هۆکارێکی سیاسی و ئەمنی وایکرد کە ئەو پرۆژانەی جێبەجێنەکرێت و دوابکەوێت.
فوئاد لە کۆنگرەیەکی رۆژنامەوانیدا رایگەیاند: پرۆژەکانی سعودییە لە عێراق خۆیدەبینێتەوە لە پرۆژەی بەرهەمهێنانی وزەی کارەبا، پترۆکمیای، نیشتەجێبوون، کشتووکاڵ، بەلێندەرایەتی، بەڵام بەهۆی ناسەقامگیری دۆخی ئەمنی زۆربەی کۆمپانیا سعودییەکان نایەنە نێو عێراق، بەتایبەتی ئەم هێرشانەی ماوەی رابردوو کە کرانە سەر ناوچەی سەوز و باڵیۆزخانەی بەغدا.
حسێن وتیشی” سەرمایەدارە خلیجییەکان لە هیچ کارێکدا پەلەناکەن، بۆیە دەیانەوێت زیاتر سەقامگیری سیاسی و ئەمنی لە ناوچەکەدا رووبدات و نایانەوێت ئەو سەرمایەیەی کە دەیخەنە پرۆژەوە لە عێراق بەهەدەر بڕوات”.
ماوەی چەند ساڵێک دەبێت وڵاتانی کەنداوی عەرەبی، بەتایبەت ئیمارات و سعودیە و قەتەر دەیانەوێت سەرمایەکانیان بەرنە دەرەوەی وڵات بەتایبەتی وڵاتانی وەک سوریا و عێراق و لوبنان و ئوردن، تا لەو رێگەیەوە دووبارە قازانی خۆیان چەند هێندە بکەن.
