کۆرۆنا ئابووری چین بەرەو لوتکە دەبات

SNN

بەگوێرەی توێژینەوەیەک، چین لەدوای قەیرانی کۆرۆنا، توانیویەتی گەورەترین بوژانەوەی ئابووری بەخۆیەوە ببینێت و پێشبینیش دەکرێت لە داهاتوویەکی نزیکدا ئەو وڵاتە ببێتە خاوەن گەورەترین ئابووری لە جیهاندا.

ناوەندی توێژینەوەی (بانکی ئەمریکا) هەڵسەنگاندنی بۆ گەشەی ئابووری چین کردووە و پێشبینی دەکات تاوەکو ساڵی 2035 کۆی بەرهەمهێنانی ناوخۆیی لەو وڵاتە بۆ دوو هێندەی ئێستا زیادبکات.

بەگوێرەی ئەو پێشبینیانە، تا 15 ساڵی داهاتوو، دەبێت چین ئاستی گەشەی ئابووریەکەی 4.7% زیادبکات کە توێژەران پێیان وایە دەتوانێت لەو ئاستەدا بهێڵدرێتەوە.

توێژەرانی ناوەندەکە رایانگەیاندووە، پێشبینی دەکرێت لە ساڵانی 2027 بۆ 2028دا ئابووری چین، ئابووری ئەمریکا تێپەڕێنێت.