لەژێر چاودێری کازمی، ئەمڕۆ ئۆپراسیۆنێکی هاوبەش لە چەند قۆڵێکی کەرکوک دەستپێدەکات
SNN
سەعید حەربیە، فەرماندەی ناوەندی ئۆپراسۆنەکانی کەرکوک ئەمڕۆ چوارشەممە رایگەیاند: لە چەند قۆڵێکی کەرکوکەوە ئۆپراسیۆنێکی هاوبەش دەستیپێکردووە بۆ کێوماڵکردن و راوەدوونانی چەکدارانی داعش، کە تەواوی ئۆپراسیۆنەکە لەلایەن مستەفا کازمی-ەوە سەرپەرشتی دەکرێت.
حەربی بە میدیا عێراقییەکانی راگەیاند: ئەم ئۆپراسیۆنە بۆ بە ئامانجکردنی داعشە بە تایبەتی لە ناوچەکانی باشووری رۆژئاوای کەرکوک، ئۆپراسیۆنەکە لە دۆڵی حەمرین و دۆڵی شای و ناوچەکی پەڵکانە دەبێت، لە ئۆپراسیۆنەکدا سوپا و پۆلیس و حەشدی شەعبی و هێزی ئاسمانی عێراق تێیدا بەشداردەبن، بۆ دۆزینەوە و وێرانکردنی ئەو مۆڵگانەی داعش کە لە ناوچە دورە دەستەکان دروستیان کردوون، لەگەڵ دەستگیرکردن یاخود کوشتنی کۆمەڵێک ئەمیری داعش کە لەلایەن دەزگای هەواڵگری عێراقە داواکراون.
