“ئه‌م هه‌فته‌یه پڕۆژە یاسای بودجە ناخرێته به‌رنامه‌ی كاری په‌رله‌مان”
ئەنجوومەنی نوێنەرانی عێراق
SNN
جەمال کۆچەر ئەندامی لیژنەی دارایی لە ئەنجومەنی نوێنەران بە میدیا عێراقییەکانی راگەیاند: لەم ھەفتەیەدا پڕۆژە یاسای بودجەی گشتی عێراق ناخرێتە بەرنامەی کاری دانیشتنەکان، چونکە بەشێک لە کوتلە شیعە و سوننەکان، بۆئەوەی گرەنتی ھەڵبژاردن بکرێت، داوایان کردووە دەنگدان لەسەر پڕۆژە یاسای دادگای فیدراڵی و ھەڵوەشاندنەوەی ئەنجومەنی نوێنەران بخرێتە پێش دەنگدان لەسەر پڕۆژە یاسای بودجە.
ئه‌و ئەندامه‌ی لیژنەی دارایی لە ئەنجومەنی نوێنەران وتیشی “لایەنەکانی تری عێراق مەترسی ئەوەیان ھەیە، ئەگەر پڕۆژە یاسای بودجە تێپەڕێنرێت، کورد دەنگ بە یاسای دادگای فیدراڵی و ھەڵوەشاندنەوەی ئەنجومەنی نوێنەران نەدات، لەبەرئەوە داوایان کردووە ئەو بابەتانە پێش پڕۆژە یاسای بودجە په‌سند بكرێن”.
