ئەمريکا “دوو فڕۆکەی بۆمبهاوێژمان بە رۆژهەڵاتی ناوەڕاستدا دەسوڕێنەوە”

SNN

فەرماندەی ناوەندی ئەمريکا رايگەياند: “ئامانج لە گەڕانی دوو فڕۆکەی بۆمبهاوێژی ئەمريکی لە جۆری “B-52” بەسەر رۆژهەڵاتی ناوەراستدا بۆ دڵنيابونەوە بووە لە ئاسايشی ناوچەکە”.

فەرماندەی ناوەندی ئەمريکا لە راگەيەندراوێکدا بڵاويکدەوە ” دوو فڕۆکەی بۆمبهاوێژی لە جۆری “B-52″ ستراتۆفۆرتریس، گەڕانێکيان بە ئاسمانی رۆژهەڵاتی ناوەراست کردووە، ئەوەش بە مەبەستی بەرپەرچدانەوەى هەر کارێکى دوژمنکارانە و دڵنیاکردنەوەى هاوپەیمانەکان و هاوبەشەکانمان لەوەى کە سوپاى ئەمەریکا پابەندە بە ئاسایشى ناوچەکەوە”.

لە ڕاگەيەندراوەکەی فەرماندەی ناوەندی ئەمريکا ئەوەش هاتووە ” فڕۆکەی شەڕکەری چەند وڵاتێک لەوانە ئيسرائيل، سعوديە، قەتەر، ياوەری دوو فرۆکە بۆمبهاوێژەکەی ئەمريکايان کردووە”.

بەپێی راگەيەندراوەکەش “لە ئەمساڵدا ئەمە چوارەم جارە فڕۆکە بۆمبهاویژەکانی ئەمريکا لە ڕۆژهەڵاتی ناوەراستدا بڵاودەکرێنەوە”.

دوێنێ جۆ بايدن سەرۆکی ئەمريکا لە نامەيەکدا رايگەياند: “دۆخی نائاسای وڵاتەکەی لەگەڵ ئێران بۆ ماوەی ساڵێک درێژکردووەتەوە”.