پێنتاگۆن هۆشداری توند دەداتە ئێران

SNN

وەزیری بەرگری ئەمریکا هۆشداری توندی دایە ئێران، لە بەرامبەر هێرشی سەر بنکەی ئاسمانی عەین ئەسەد لە عێراق، کە هێزەکانی ئەمریکای لێجێگیرکراون.

لۆید ئۆستن، وەزیری بەرگری ئەمریکا ئەمڕۆ لە چاوپێکەوتنێکیدا لەگەڵ میدیای وڵاتەکەی وتیشی: “لەدوای هێرشی مووشەکی سەر بنکەی ئاسمانی عەین ئەسەد، کە هێزە ئەمریکییەکان و هێزەکانی هاوپەیمانانی لێیە، ئەمریکا هەرکارێک کە بە پێویستی بزانێت دەیکات لەپێناو بەرگریکردن لە بەرژەوەندییەکانی.

ئۆستن وتیشی: “حکومەتی وڵاتەکەم داوا لە عێراق دەکات بەخێرایی لێکۆڵینەوە لەو رووداوی هێرشکردنە بکات و ئەنجامدەرانی دیاریبکات”.

ئۆستن وتوویەتی: “ئێمە هێرشدەکەین، ئەگەر هێرشکردن بە کارێکی پێویست بزانین، کات و شوێنی هێرشەکەشمان بژاردەی خۆمان دەبێت، ئێمە جەخت لە مافی پاراستنی سەربازەکانمان دەکەینەوە”.

رۆژی چوارشەممە 10 مووشەکەی کاتیۆشا ئاراستەی بنکەی سەربازی عەین ئەسەد لە ئەنبار کرا.