“چه‌ند وڵاتێكی عه‌ره‌بی بازرگانی بە کچانی ئێرانەوە دەکەن”
SNN
جێگری سه‌رۆك كۆماری ئێران بۆ كاروباری ئافره‌تان و خێزان رایگەیاند: هه‌ندێك له وڵاتانی عه‌ره‌بی به رێژه‌یه‌كی زۆر بازرگانی به كچان و ئافره‌تانی ئێرانییه‌وه ده‌كه‌ن.
مه‌عسومه ئیبتیكار ئەوەشی روونرکردەوە: یه‌كێك له هۆكاره‌كانی ئه‌و دیارده‌یه بۆ ئه‌وه ده‌گه‌ڕێته‌وه، كه ئه‌و وڵاتانه پاڵپشتییه‌كی گه‌وره‌ی داراییان هه‌یه و به پاره سه‌رنجی كچان و ئافره‌تانی ئێران له‌ژێر په‌رده‌ی كارگوزاری ناوماڵان به‌لای خۆیاندا راده‌كێشن، به‌ڵام دواتر موماره‌سه‌ی سێكسییان له‌گه‌ڵدا ده‌كه‌ن.
جێگری سه‌رۆك كۆماری ئێران جه‌ختیشی كرده‌وه، جاری وا هه‌یه هه‌زاران كچی ئێرانی به‌قاچاغ ده‌برێنه وڵاتانی ئه‌وروپا و له به‌رهه‌مهێنانی فیلمی پۆرن “سێكسی” به‌كاریان ده‌هێنن.
