بافڵ تاڵەبانی لەگەڵ بەرهەم ساڵح کۆبووەوە

SNN

بافڵ تاڵەبانی، هاوسەرۆکی یەکێتیی نیشتمانیی کوردستان لەگەڵ د.بەرهەم ساڵح، سەرۆککۆماری عێراق لە دەباشان کۆبوونەوە و باسیان لە چارەسەرکردنی پرسی بودجە و مووچە و چەند پرسێکی دیکە کرد.

لە کۆبوونەوەکەدا گفتوگۆ لەبارەی دوایین پەرەسەندنە سیاسی، ئەمنی و ئابوورییەکانی ھەرێم و عێراق كرا و بەبایەخەوە باس لە رێوشوێنەکانی چارەسەرکردنی کێشەکانی نێوان ھەولێر و بەغدا کرا.

هەروەها جەخت لە کاری ھاوبەش و ھەماھەنگی زیاتر کرایەوە لەپێناو سەقامگیری سیاسی و ئابووری و باشترکردنی ژیان و گوزەرانی کۆمەڵانی خەڵک.

‎ھەر لە کۆبوونەوەکەدا دەرچەکانی چارەسەرکردنی بودجە و مووچەی مووچەخۆرانی ھەرێم خرایەبەرباس. دەستوور وەک مەرجەعی تێپەڕاندنی دۆخەکە و گەیشتن بە رێکكەوتن وەسفکرا.  خستەگەڕی ھەوڵەکان و گفتوگۆ لەنێوان لایەنە سیاسییە عێراقییەکان و ھەرێم دووپاتکرایەوە بۆ بونیادنانەوەی متمانە و کاری ھاوبەش، کە ئەم ھەنگاوەش لە خزمەت بەرژەوەندی گشتیدا دەبێت.