“تا ئێستاهيچ رێککەوتنێک لەسەر پڕۆژەياسای بودجە نييە”
دانیشتنێکی پەرلەمانی عێراق | فۆتۆ: AFP
SNN
پەرلەمانتارێکی عێراق رايگەياند: “تا ئێستاهيچ رێککەوتنێکی سياسی لەسەر تێپەڕاندنی پرۆژەیاسای بودجەی ساڵی 2021 بوونی نییە”.
ڕياز مەسعودی پەرلەمانتاری فراکسيۆنی سائيرون لە پەرلەمانی عێراق لە چاوپێککەوتنێکی تەلەفيزيۆنيدا رايگەياند: “دانانی پڕۆژەياسای بودجە لە بەرنامەی کاردا مانای تێپەڕاندنی پرۆژەياساکە نييە، هەردوو پرۆژەياسای دادگای فيدڕاڵی و بودجە ناکرێت بەبێ رێککەوتنی سەرەتای تێبپەڕێنرێت”.
وتيشی “هەفتەی داهاتوو چارەنوسساز دەبێت بۆ هەردوو پڕۆژەياساکە، لێکتێگەيشتنی تەواوەتی و تێپەراندنی ئەو کاتە دەبێت کە لايەنە سياسييەکان کۆکبن لەسەر بودجە”.
دەشڵێت “تا ئێستا ناکۆکييەکان لەسەر ماددەکانی پڕۆژەياسای دادگای فيدڕاڵی بەردەوامی هەيە”.
بريارە رۆژی دووشەممەی داهاتوو پەرلەمانی عێراق کۆببێتەوە و لەدوای ئەوەی 150 پەرلەمانتار داوايانکرد پڕۆژەياسای بودجە خراوەتە بەرنامەی کارەوە.
