لە سبەينێوە راوەماسی قەدەغە دەکرێت

SNN

وەزارەتی کشتوکاڵی هەریمی کوردستان بڕياريدا لە سبەينێوە راوەماسی قەدەغەبکرێت تا ناوەڕاستی مانگی حوزەيران.

بێستون عەزیز، وتەبێژی پۆلیسی دارستان و پاراستنی ژینگەی راپەڕین لە كۆنگرەیەكی رۆژنامەنوسيدا رايگەياند: “بەپێی ئەو بڕیارەی لەلایەن بەڕێوەبەرایەتی گشتی سامانی ئاژەڵ و ڤێتەرنەری وەزارەتی كشتوكاڵ پێیان گەیشتووە لە 14ی مانگی ئازار راوەماسی قەدەغەیە تا 16ی حوزەیران”.

وتيشی “بڕيارەکە لەپێناو پاراستنی سامانی ئاژەڵە و هەرکەسێک سەرپێچی بکات رووبەرووی ياسا دەکرێتەوە”، دەشڵیت ” لە هەموو کاتەکانی ساڵدا راوەماسی بە زەهر و تەزوی کارەبا و تێنتی قەدەغەيە”.