دوای 800 ساڵ گڕکانەکەی ئایسلەندا تەقییەوە
وێنەی گڕکانەکە
SNN
بەگوێرەی راپۆرتێکی سایتی سی نێت، دوای 800 ساڵ و بۆ یەکەمجار گڕکانی فاگرادالسفيال لە ئایسلاندا تەقیوەتەوە و بڵێسەیەکی زۆری بە دەوری خۆیدا دروستکردووە.
شوێنی گڕکانەکە دەکەوێتە نزیک شاری ریکیاڤیک-ی پایتەختی ئایسلانداوە و هاووڵاتییەکی زۆر لێی کۆبوونەوەتەوە و دیمەنەکە جوانە و لەهەمانکاتیشدا ترسناکە.
گڕکانەکە درێژییەکەی 500 – 700 مەترە و بە دووریی کیلۆمەترێکیش بە دەوری خۆیدا خۆڵەمێش و وردە بەردی بڵاوکردووەتەوە وەک ئاژانسی وزەی ئایسلەندی ئاشکرایکردووە.
لە رۆژی 24ی مانگی شوباتی رابردوودا بومەلەرزەیەک بە گوڕی 5.7 پلە بە پێوەری رێختەر ئەو ناوچەیەی هەژاند و لەو کاتەوە چاودێری چڕی شوێنەکە دەکرێت.
