سەرۆک و ئەندامانى دادگاى فیدراڵى عێراق دیاریکران

SNN

ئەنجومەنی باڵاى دادوەرى عێراق ئه‌مڕۆ چوارشه‌ممه‌ کۆبوونەتەوە و سەرۆک و جێگر و ئەندامانى دادگاى باڵاى فیدراڵى هەڵبژاردراوە و ناوەکان ئاڕاستەى سەرۆک کۆمار دەکرێن بۆ پەسەندکردنیان.

لە راگەیەندراوێکدا ئاماژە بەوەشکراوە، پێکهاتەکە رەوانەى سەرۆک کۆمار دەکرێت بۆ ئەوەى بەفەرمى مەرسومى کۆمارى بۆ دەستبەکاربوونیان دەربکرێت. بەپێى زانیارییەکان جاسم محەمەد عەبود وەک سەرۆکى دادگاى باڵاى فیدراڵى عێراق دەستنیشانکراوە و سەمیر عەباس سەرۆکى دادگاى تاوانەکانى ئەنبار وەک جێگرى سەرۆکى دادگاى باڵاى فیدراڵى دەستنیشانکراوە، هەریەکە لە غالب عامر، و حەیدەر جابر و ئەیوب عەباس و حەیدەر عەلى نورى خەڵەف ئەحمەد وەک ئەندامانى سەرەکى دادگاى فیدراڵى دیارى کراون.

هەر لە کۆبونەوەکەدا خالید تەها، عادل عەبدولڕەزاق و مونزیر ئیبراهیم وەک ئەندامى یەدەگى دادگاى فیدراڵى دەستنیشانکراون.