شاندی هەرێم گەڕایەوە بەغدا
وه‌فدى باڵاى هه‌رێم بۆ دانوستان له‌گه‌ڵ به‌غدا به سه‌رۆكایه‌تى قوباد تاڵه‌بانى | فۆتۆ: ئه‌ژى عومه‌ر
SNN
شاندی باڵای هەرێم بە سەرۆکایەتی قوباد تاڵەبانی بەرەو بەغدا بەڕێکەوت بەمەبەستی درێژەدان بە کۆبوونەوەکانی سەبارەت بە پشکی هەرێم لە پرۆژەیاسای بودجەی عێراق.
سەمیر هەورامی، وتەبێژی جێگری سەرۆکی حکومەتی هەرێم رایگەیاند: شاندی باڵای هەرێم گەڕاوەتەوە بۆ بەغدا.
گەڕانەوەی شاندی هەرێم بۆ بەغدا لەدوای کۆبوونەوەی ئەمڕۆی لیژنەی دارایی دێت لەگەڵ حکومەتی عێراق، ئه‌ندامانی لیژنه‌ی دارایی تایبه‌ت به پرۆژه‌یاسای بودجه‌ی 2021 كۆبوونه‌وه، له‌كۆبونه‌وه‌كه‌دا به‌كۆی ده‌نگ بڕیاردرا سبه‌ی یه‌كشه‌ممه پڕۆژه‌یاسای بودجه بخرێته ده‌نگدانه‌وه و په‌سه‌ند بكرێت، بە پشکی هەرێمەوە.
هۆشیار عەبدوڵا، ئەندامی لیژنەی دارایی رایگەیاندووە: ئەو گۆڕانکاریەی لایەنە شیعییەکان لە پرۆژەیاسای بودجەدا کردویانە لەدوای رێککەوتنەکەیان لەگەڵ شاندی هەرێم، تا بزانرێت هەرێم قبوڵیدەکات یاخود رەتیدەکاتەوە.
