راگەيەندراوی وەزارەتی کارەبا لەسەر کوژرانی کچە فەرمانبەرەکە

SNN
وەزارەتی کارەبای هەرێم لە راگەيەندراوێکدا باس لە کوژرانی ئەو کچە کارمەندە دەکات کە لەناو وەزارەتەکە کوژرا، دەڵێت “ئەو فەرمانبەرە ئەندازيارێکی دڵسۆز بووە”.

وەزارەتی کارەبا لە راگەيەندراوێکدا بڵاويکردەوە: “بەداخ و پەژارەیەكی زۆرەوە ئەمڕۆ كاتژمێر 10:18 سەرلەبەیانی رێكەوتی 29/ 3/2021 لەكارەساتێكی دڵتەزێندا ئەندازیار شادیە عەبدوڵا فەرمانبەری بەڕێوەبەرایەتی گشتی دابەشكردنی وەزارەتی كارەبا لەكاتی دەوامی فەرمی خۆیدا لەلایەن فەرمانبەرێكی دیكەی وەزارەتی كارەباوە بەدەمانجە كوژرا”.
ئاماژەی بەوەشکردووە: “لەلایەن پاسەوانەكانی وەزارەتەوە بکوژەکە دەستگیركرا و دواتر راستەوخۆ هێزە ئەمنیەكان دەستگیريانكرد”.

دەشڵێت “ئەندازیار شادی عەبدوڵا فەرمانبەرێكی دڵسۆز و بەتوانای وەزارەتی كارەبا بوو سەرەخۆشی لەخۆمان و خانەوادەو بنەماڵەکەيان دەکەين”.