ئەمڕۆ ليژنەی ئۆپراسيۆنەکانی سلێمانی کۆدەبێتەوە
سلێمانى، پایته‌ختى رۆشنبیرى هه‌رێمى كوردستان | فۆتۆ: SNN
SNN
سەرۆکی ئەنجومەنی پارێزگای سلیمانی بە SNNی راگەياند: “ئەمرۆ ليژنەی باڵای ئۆپراسيۆنەکان لە شاری سلیمانی کۆدەبێتەوە و بڕيارە چەند رێکارێکی نوێ دەربکەن”.
ئازاد حەمە ئەمين سەرۆکی ئەنجومەنی پارێزگای سلیمانی بە SNNی راگەياند: “ئەمڕۆ لە ئيدارە سەربەخۆکانی سنوری پاریزگای سلێمانی و ناو شاری سلیمانی ليژنەی باڵای ئۆپراسيۆنەکان کۆدەبێتەوە و تاوتوێی دۆخی کۆرۆنا دەکەن”.
وتيشی “بڕيارە لە کۆبونەوەکەدا چەند رێکار و رێنماييەکی نوێ سەبارەت بە ڤايرۆسی کۆرۆنا دەربکرێت”.
ئەم کۆبونەوەی ليژنەی باڵای ئۆپراسيۆنەکانی سلێمانی دوای ئەوەدێت دوێنێ ليژنەی بەرەنگاربوونەوەی کۆرۆنا لەشاری هەولێر چەند ریکار و رێنماييەکی نوێێ دەرکرد، لەوانەش داخستنی دەرگای ناوەندەکانی خوێندن و راگەياندنی پشوو لە رۆژانی پێنجشەممە لە دامودەزگاکاندا.
