“ئێران ئامێری پێشکەوتوو لە دامەزراوەی نەتەنز زیاددەکات”

SNN

بەپێی راپۆرتێکی ئاژانسی نێونەتەوەیی وزەی ئەتۆمی: “کۆماری ئیسلامی ئێران لە پرۆسەی قۆناغبەندی چوارەمیدا دەستیکردووەتەوە بە پیتاندنی یۆرانیۆم لە دامەزراوەی نەتەنز کە لە ژێر زەویدایە“.

بۆ ئەم پیتاندنە وەک لە راپۆرتەکەی ئەم دەزگا چاودێرییەی سەر بە نەتەوە یەکگرتووەکاندا هاتووە: “تاران ئامێری پێشکەتووی (IR-2M) ی بەکارهێناوە، ئەم مامەڵەیە تەنیا رێگە بە ئێران دەدات بە سەنتەرفیوجەکانی نەوەی یەکەمی کە بە IR-1ناسراوە لە دەزگاکانی لە نەتەنز کار بکات”.

ئاژانسی نێونەتەوەیی وزەی ئەتۆمی لە راپۆرتێکی نهێنیدا کە ئاژانسی رۆیتەرز بڵاويکردووەتەوە دەڵێت “لە 31 ی ئازاری 2021 دا دەزگای پیتاندنی یۆرانیۆم ئەوەی پشتڕاست کردەوە کە ئێران دەستی کردووە بە پێدانی سروشتی UF6 بۆ پڕکردنی 174 سەنتەرفیوجی IR-2”.

ئەم هەنگاوەی تاران پێشێلکردنی رێککەوتنی ئەتۆمييە کە ئێران ساڵی 2015 لەگەڵ وڵاتە زلهێزەکانی جیهاندا واژۆیکرد.

ئەو رێککەوتنە چەند سنوورێکی بۆ چالاکییە ئەتۆمییەکانی ئێران دانابوو، بەڵام لەساڵی 2018ەوە ئیران پێشێلکاری تێداکرد، ئەوەش لە بەرامبەر کشانەوەی ئيدارەی پێشووی ئەمريکا بە سەرۆکايەتی دۆناڵد تڕەمپ لە رێککەوتنەکە، هەروەها دووبارە سەپاندنی سزاکانی ئەمەریکا دژی کۆماری ئیسلامی کە بەپێی رێککەوتنەکە هەڵگیران.