بۆ یەکەمجار دوای سەرهەڵدانی کۆرۆنا، عێراق گەشتی لەگەڵ چین دەستپێکردەوە

SNN

بۆ یەکەمجار دوای سەرهەڵدانی یەکەم حاڵەتی کۆرۆنا لە چین، ئەمڕۆ شەممە بەشێوەیەکی رەسمی گەشتە ئاسمانییەکانی نێوان بەغدا و پەکین دەستیپێکردەوە.

وەزارەتی گواستنەوەى عێراق لە بەیاننامەیەکدا کە وێنەکەی بۆ SNN نێردراوە، دەڵێت: “بە سەرپەرشتی ڕاستەوخۆی ناسر حسێن شبلی، وەزیری گواستنەوەی عێراق بە پیادەکردنی سەرجەم رێککارەکانی سەلامەتی، گەشتە ئاسمانییەکانی نێوان چین و عێراق دەستیانپێکردووەتەوە.”

لە بەیاننامەکەداهاتووە “پێویستە بەشێکی کورسییەکانی ناو فڕۆکە دابینبکرێت بۆ ئەو عێراقییانەی ڤیزای چینیان هەیە و مۆڵەتی چوونە ناو خاکی ئەو وڵاتەیان هەیە، لە سەرەتادا هەموو هەفتەیەک یەک گەشت ئەنجامدەدرێت”.

وەزارەتی گواستنەوەى عێراق باسی لەوەشکردووە کە کار دەکەن بۆ دەستپێکردنەوەى گەشتی کارگۆ (بار) و ناردنی کەلوپەل و شتومەک بۆ زیاتر پەرەدان بەو بازرگانییەی لەنێوان هەردوولا وڵات هەیە و هەولی زیادکردنی گەشتەکان دەدەن لە ماوەى داهاتوودا.