ئەمريکا: بەردەوام دەبين لە پشتيوانيکردنی هەرێمی کوردستان

SNN

لە 30هەمین ساڵڕۆژی دامەزراندنی ناوچەی ئارام بۆ گەلی کورد و سەپاندنی ناوچەی دژەفڕین، ئەمەریکا پەیامێکی ئاڕاستەی هەرێمی کوردستان کرد و رایگەیاند: “بەردەوام دەبێت لە پشتیوانیکردن لە هەرێمی کوردستان لە چوارچێوەی عێراقدا”. 

کونسوڵخانەی گشتی ئەمريکا لە هەولێر لە راگەيەندراوێکدا بڵاويکردەوە: “لە رۆژێکی وەک ئەمڕۆدا لە ساڵی 1991 ویلایەتە یەکگرتووەکانی ئەمریکا یارمەتیدەربوو لە دامەزراندنی ناوچەی ئارام ئەویش لە رێی سەپاندنی ناوچەی دژە فڕین لە سەروو هێڵی 36 لە عێراق بۆ دڵنیاییدان لە سەلامەتی گەلی کورد”.

ئاماژەی بەوەشکردووە: “ویلایەتە یەکگرتووەکانی ئەمریکا پابەندبوونی خۆی بە پاڵپشتیکردنی گەلی کورد دووپاتدەکاتەوە و بەردەوام دەبێت لە پشتیوانیکردن لە هەرێمی کوردستانی بەهێز لە چوارچێوەی عێراقی فیدڕاڵدا”.

لە کۆڕەوی بەهاری 1991، لەلايەن هەريەک لە ئەمريکا و بەڕيتانيا و فەڕەنساوە بە بڕیارێک هێرشی سوپای ئەو کاتەی عێراق بۆ سەر باشووری کوردستان وەستێندرا، بڕیاری 688 دەرکرا بۆ راگەياندنی هێڵی دژە فڕين لە 5ی نیسانی ئەو ساڵەدا.