لیژنەی باڵای رووبەڕووبوونەوەی کۆرۆنا چەند بڕیارێکی دەرکرد

SNN

ئەمڕۆ دووشەممە لیژنەی باڵای رووبەڕووبوونەوەی کۆرۆنا چەند بڕیارێکی دەرکرد، لەبارەی جوڵەی نێوان هەرێم و پارێزگاکانی عێراق کە گرنگترینیان ئەمانەی خوارەوەن.

دەقی راگەیەندراوەکە:

یەكەم: راگرتنی هاتووچۆ لە نێوان هەرێمی كوردستان و پارێزگاكانی عێراق.

دووەم: تەنها رێگە دەدرێت بەم كەسانەی كە لە خوارەوە ديارى كراوه هاتووچۆ بكەن لە نێوان هەرێمی كوردستان و پارێزگاكانی

عێراق بە مەرجێك پێویستە لە بازگەكان لە كاتی هاتنیان تێستی كۆرۆنا ئەنجام بدەن:

1 .ئاژانس و رێكخراوەكانی UN و رێكخراوە نێودەوڵەتیەكان و هاوپەیمانان و دیپلۆماتكاران و شاندە فەرمییەكان.

2 .ئەو هاوڵاتیانەی نیشتەجێی هەرێمی كوردستانن.

3 .كەسانی نەخۆش كە پێویستیان بە چارەسەری نەخۆشی هەیە لە نەخۆشخانەكانی هەرێمی كوردستان.

4 .بازرگانان و وەبەرهێنەران.

سێیەم: كارى بازرگانى لە نێوان هەرێمی كوردستان و پارێزگاكانی عێراق بەردهوام دەبێت بە لەبەرچاوگرتنى تەواوى رێكارەكانى

خۆپارێزى.

چوارەم: ئەم بەیانە لە رۆژی دەرچوونیەوە جێبەجێ دەكرێت و لە رۆژنامەی وەقایعی كوردستان بڵاودەكرێتەوە.