یەکەم مانۆڕی سەربازیی ئیمارات و ئیسرائیل ئەنجامدەدرێت

SNN

کەناڵی تەلەڤزیۆنیی 12ی ئییسرائیل رایدەگەیەنێت “ئیمارات و ئیسرائیل بەشێوەیەکی ئاشکرا یەکەم مانۆڕی سەربازیی نێوانیان لە ئاوەکانی یۆنان لە رۆژی دووشەممەی داهاتوو ئەنجامدەدەن”.

کەناڵەکە ئاشکراشیکردووە کە هێزی ئاسمانیی ئەمریکاش لە مانۆڕەکەدا بەشدارە کە بە (INIOCHOS) ناسراوە و فڕۆکەوانی ئیسپانی و سلۆڤینی و کەنەدی و قوبەسی-ش تیایدا بەشدارن.

هێزی ئاسمانیی ئیسرائیل بە فڕۆکەکانی جۆری (F15) و (F16) بەشدارە و ئیمارات و یۆنانیش بە (F16) و فڕۆکەکانی جۆری (MQ9) و (135(KC یش تیایدا بەشدارن کە فڕۆکەی بێفڕۆکەوانن.

مانۆڕە ئاویی و هەوایی و وشکاییەکانی (INIOCHOS) ساڵانە رێکدەخرێن و بەردەوام ئیسرائیل تێیدا بەشدارە، بڕیارە رۆژی 22ی نیسان کۆتایی پێبێت، بەشداریکردنی ئیماراتیش بۆ یەکەمجار، بەهۆی ئاساییکردنەوەی پەیوەندییەکانی نێوان تەلئەبیب و دوبەی لەماوەی رابردوودا بڕیاری لێوە دراوە.