گۆڕان و فراکسیۆنەکەی لە بەغدا شەڕیانە
لۆگۆى بزووتنه‌وه‌ى گۆڕان | فۆتۆ: SNN
SNN
ئێوارەی ئەمڕۆ وادەی مۆڵەتێكی فراكسیۆنی گۆڕان لەپەرلەمانی عێراق بۆ رێكخەری گشتی بزوتنەوەكە كۆتایی دێت.
لەو مۆڵەتەدا داوای كشانەوەی گۆڕان لە حكومەت و هاوپەیمانێتیكردن لەگەڵ لایەنە ئۆپۆزسیۆنەكان کراوە.
فراكسیۆنی گۆڕان لە پەرلەمانی عێراق نامەیەكی نوێی ئاڕاستەی رێكخەری گشتی بزوتنەوەی گۆڕان كردووە و ماوەی دوو رۆژ مۆڵەتی پێداوە وەڵام بداتەوە.
ئەندامانی فراكسیۆنی گۆڕان لە پەرلەمانی عێراق كە ژمارەیان (5) كەسە، بەچەند مەرجێك ئامادەن دەست لە ئەندامێتی پەرلەمان بكێشنەوە و بۆ هەڵبژاردنی پێشوەختەی عێراق خۆیان كاندید نەكەنەوە دەست بە كاركردن بكەنەوە لەناو بزوتنەوەی گۆڕاندا و لاپەڕەیەكی نوێ لەگەڵ بزوتنەوەكەیان هەڵبدەنەوە.
مەرجەكانی فراكسیۆنی گۆڕان بۆ رێكخەری گشتی ئەمانەن:
• بزوتنەوەی گۆڕان لە حكومەتی هەرێمی كوردستان بكشێتەوە.
• بزوتنەوەی گۆڕان بگەڕێتەوە بۆناو هاوپەیمانێتی پێشتری خۆی لەگەڵ لایەنە ئۆپۆزسیۆنەكان (كۆمەڵی دادگەریی‌و یەكگرتووی ئیسلامی)و هاوپەیمانێتییەكی گەورەتر لە دەرەوەی پارتی‌و یەكێتی بۆ هەڵبژاردنی پێشوەختەی عێراق دروست بكات.
