ماوەی تۆمارکردنی هاوپەیمانێتییە سیاسییەکان لە عێراق درێژ کرایەوە

SNN

ئەمڕۆ پێنجشەممە سەرۆک و ئەندامانی ئەنجوومەنی کۆمسیارانی عێراق بڕیارێکی نوێیان لەبارەی ماوەی تۆمارکردنی هاوپەیمانێتییەکان لە هەڵبژاردنەکان دەرکرد.

بەپێی بڕیارەکە، ماوەی خۆ تۆمارکردنی حیزب و لایەن و هاوپەیمانییە سیاسییەکان بۆ کاتێکی دیکە درێژ کراونەتەوە بۆ هەڵبژاردنەکان.

ئەنجوومەنی کۆمسیارانی کۆمسیۆنی باڵای هەڵبژاردنەکان ی عێراق بڕیاریداوە ماوەکە تاکو سەرەتای مانگی ئایاری داهاتوو درێژ بکرێتەوە.

چاوەڕێدەکرێت رۆژی 10ی مانگی 10ی ئەمساڵ لە عێراق هەڵبژاردنی پەرلەمانیی بەڕێوە بچیت و بڕیاریشدراوە سێ رۆژ پێش ئەو وادەیە پەرلەمانی عێراق خۆی هەڵبووەشێنێتەوە.