وەزارەتی تەندروستی: ئەمریکا ڤاکسینێکى تایبەت بۆ پێشمەرگە دەنێرێت

SNN

وەزارەتى تەندروستى هەرێم رایگەیاند: “بڕیارە ئەمریکا ڤاکسینێکى تایبەت رەوانەى هەرێمى کوردستان بکات بۆ ئەوەى بدرێتە لیوا هاوبەشەکانی وەزارەتی پێشمەرگە”. 

ڕەهێڵ فەرەیدون بریکاری وەزارەتی تەندروستی هەرێم بە SNNی راگەياند: بڕیارە لەلایەن ئەمریکاوە ڤاکسینی Johnson and Johnson کە یەک ژەمە ڤاکسینی دژە کۆرۆنایە رەوانەی هەرێمی کوردستان بکرێت و بەتایبەت بدرێتە هێزە هاوبەشەکانی وەزارەتی پێشمەرگە.

وتيشی “ئەو ڤاکسینەی رەوانە دەکرێت 31 هەزار ڤاکسینە بەتایبەت بۆ هێزە هاوبەشەکانی وەزارەتی پێشمەرگە دێت و نادرێتە هیچ کەسێکی دیکەو وەرگرتنی ڤاکسینەکەش تەنها یەک ژەمە”.

بەکارھێنانی ڤاکسینەکە لە ٢٨ی شوبات لە ئەمریکا پەسەندکرا و لە یەکی ئازار دەست بەدابەشکردنی کرا، ڤاکسينەکە بە ڕیژەی لە سەدا 66 کاريگەرە.