ئاسایشی سلێمانی: دەنگۆی رفاندنی پێشمەرگەیەکی کۆمەڵەی زەحمەتکێشان دوورە لە راستییەوە
ئاسایشی-سلێمانی
SNN
ئاسایشی سلێمانی رەتیکردەوە پێشمەرگەیەکی کۆمەڵەی زەحمەتکێشانی کوردستانی ئێران لە سلێمانی رفێندرابێت و وتی: “هیچ زانیاریەکمان پێنەگەیشتووە”.
موقەدەم یاسین، وتەبێژی ئاسایشی سلێمانی بە SNNی راگەیاند: دەنگۆی بێسەروشوێن بوون یان رفاندنی پێشمەرگەیەکی کۆمەڵەی زەحمەتکێشانی کوردستانی ئێران لە سلێمانی دوورە لەراستییەوە و تەنیا وتی وتییە.
راشیگەیاند: رەنگە ئەم دەنگۆیە جۆرێکبێت لە شەڕی دەروونی و هیچ بنەمایەکی راستی نییە.
لەبارەی ئەو ئۆتۆمبێلەی کە دۆزراوەتەوە و دەوترێت ئەو پێشمەرگەیە بەکاریهێناوە، موقەدەم یاسین وتی: “هیچ زانیارییەک لەوبارەیەوە نەگەیەندراوەتە ئاسایش”.
لە بەشێک لە میدیاکانەوە وابڵاوکرایەوە کە پێشمەرگەیەکی کۆمەڵە بەناوی “سمكۆ بەنەفشی” لە سلێمانی بێسەروشوێنبووە ئەوەش دوای ئەوەی بە ئۆتۆمبێلی حزبەکەی چووەتە دەرەوەی بنکەکانی کۆمەڵە.
