پۆلیسی ئەمەریکا ساتی کوشتنی کچە هەرزەکارێک بڵاودەکاتەوە
SNN
دوای دروستبوونی دەنگی ناڕەزایی هاووڵاتیان، پۆلیسی کۆڵمبەس لە ویلایەتی ئۆهایۆ، ڤیدیۆی کوشتنی کچە هەرزەکارێک لە لایەن پۆلیسەوە بڵاودەکاتەوە.
بەگوێرەی راگەیەندراوی پۆلیس، ماخیا بریانتی تەمەن 16 ساڵ، کچە کوژراوەکە، بە چەقۆ هێرشی کردووەتە سەر خانمێکی دیکە، بۆیە تەقەی لێکراوە و کوژراوە، ئاماژەی بەوەکردووە، لە لایەن خانمێک پەیوەندیان پێکراوە کە چەند کەسێک هەوڵی کوشتنیان دەدەن و داوای هاوکارییان کردووە.
بە وتەی کەسوکاری کوژراوەکەش، ئەو کەسەی داوای هاوکاریی لە پۆلیس کردووە، ئەو کەسەیە کە کوژراوە. چەقۆشی بۆ بەرگریکردن لە خۆی پێبووە، بەهۆی ئەوەی کوژراوەکە رەشپێست بوو، خۆپیشاندانی گروپی ”ژیانی رەشپێستەکانیش گرنگە” دەستیپێکردووە. پۆلیسیش لە لێکۆڵینەوە بەردەوامە.
