كوللـه زیانێکی زۆر بە جوتیارانی رۆژهەڵاتی کوردستان دەگەیەنێت
كوللـه
SNN
بەهۆی کەمی باران و وشکەساڵی لە ناوچە کشتووکاڵییەکانی رۆژهەڵاتی کوردستان ڕەوە کولە بەسەر بەشێکی زۆری دانەوێڵیەو کشتوکاڵی ئەمساڵی گوندنشینانەی رۆژهەڵاتی داوە و زیانێکی بێشوماری پێگەیاندوون.
محه‌مه‌د ره‌حیمی، به‌ڕێوه‌به‌ری كشتوكاڵی مه‌ریوان رایگەیاند: كه كوللـه هێرشی كردووه‌ته سه‌ر زیاتر له هه‌زار و 500 دۆنم زه‌وی كشتوكاڵ و زیانێكی زۆری به به‌رهه‌می جوتیاران گه‌یاندووه، هەروەها كه هێرشی كوللـه زۆربه‌ی گونده‌كانی قه‌زای مه‌ریوانی گرتوه‌ته‌وه و تا ئێستا زیاتر له 820 دۆنم زه‌وی ژه‌هراوی كراوه بۆ قه‌ڵاچۆكردنی كوللـه و هه‌وڵه‌كانیشان له‌وباره‌یه‌وه به‌رده‌وام ده‌بێت.
به‌ڕێوه‌به‌ری كشتوكاڵی مه‌ریوان ئاماژە بەوەش دەکات، تا ئێستا بڕی 550 لیتر ژه‌هری شل به‌سه‌ر جوتیاران و باخه‌وان به‌شێوه‌ی بێبه‌رامبه‌ر دابه‌شكراوه.
