وەزیری پەروەردە ” هەوڵدەدەین لە دوای جەژن دەرگای خوێندنگەکان بکەینەوە”
وەزیری تەندروستی
SNN
ئالان حەمەسەعید وەزیری پەروەردەی هەرێم پاش هاتنی بۆ شاری سلێمانی لە گۆنگرەیەکی رۆژنامەوانی رایگەیاند:”کۆرۆنا لە هەموو جیهان کاریگەری لەسەر کەرتی پەروەردە و کەرتەکانی دیکەش هەبووە لە هەموو جیهان کێشەی نەکردنەوەی دەرگای قوتابخانەکان هەیە تەنها کوردستان نییە، بەهۆی نەکردنەوەی دەرگای قوتابخانەکان رێژەی نەخوێندەواری بەرزبووەتەوە”
ئالان حەمە سەعید ئاماژەی بەوەشکرد: ئامانجمان لە داخستنی دەرگای قوتابخانەکان تەنها پاراستنی گیانی خوێندکار و مامۆستایانە، هەوڵ دەدەین لە پاش جەژن دەرگای قوتابخانەکان بکەینەوە و لەم چەند رۆژەدا ئەو پڕۆگرامانەی خوێندن، کە کەم و پوخت دەکرێتەوە ئاشکرادەکرێت.
ئالان حەمە سەعید وەزیری پەروەردەی هەرێم روونیشیکردەوە ، بەلامانەوە ژیانی دوو ملیۆن مامۆستا و خوێندکار گرنگە، خوێندنگەکان وەک شوێنەکانی دیکە نین، دوو ملیۆن کەس ژمارەیەکی زۆرەو ئێمە پارێزگاری لە گیانی ئەوان دەکەی، هەوڵ دەدەین دوای جەژنی رەمەزان بەپێی مئکانیزمی گونجاو مەنهەجی خوێندن بگونجێنین لەگەڵ دەوامی خوێندکاراندا
