“والی فەلوجە”ی داعش لە هەرێمی کوردستان دەستگیرکرا

SNN

شانەی راگەیاندنی ئەمنی عێراق رایگەیاند چەکدارێکی داعش کە لەناو ئەو رێکخراوەدا بە “والی فەلوجە” ناسرابوو لە هەرێمی کوردستان دەستگیرکراوە.

یەحیا رەسوک وتەبێژی فەرماندەی گشتی هێزە چەکدارەکانی عێراق رایگەیاند ئەو تۆمەتبارە بە هەماهەنگی لەگەڵ ئاسایشی هەرێم، لەلایەن هەواڵگری عێراقەوە دەستگرکراوە.

لە راگەیەندراوێکدا شانەی راگەیاندنی ئەمنی عێراق ئەوەش هاتووە: چەکدارەکە ناوی ئەبو عەلی جەمیلیە و داواکراوبووە بەپێی ماددەی چواری تیرۆر، ئەو کاتەشی کە دەستگیرکراوە پشتێنی بۆمبڕێژکراوی پێبووە.

جەمیلی دانی بەوەدا ناوە کە لە ساڵی 2005ەوە پەیوەندی بە قاعیدەوە کردووە دواتر بەیعەتی بۆ داعش داوە، دەستی لە دەیان هێرشی تیرۆرستیدا هەبووە دژ بە هێزە ئەمنییەکان و هاووڵاتیانی مەدەنی.