تەکسی بێ شۆفێر لە چین خرایەکار
SNN
تەکسی بێ شۆفێر کە بە (رۆبۆتەکسی) ناودەبرێت، بۆ یەکەمجار لە وڵاتی چین خرایەکار و لە شەقامەکاندا کاری پێدەکرێت.
ئەو تەکسییە تایبەتە، هەستیاریی بەرامبەر بە شێوازی شەقام، بوونی پیادە و ئۆتۆمبێلەکانی دەوروبەری هەیە.
بەشێوەیەک بەرنامەکراوە کە بۆ پیادە دەوەستێت، بەپێی نەخشەی رێگەکەی بۆ شوێنی مەبەست، بەلای راست و چەپدا دەڕوات و سەرنشینەکە دەباتە ئەو شوێنەی داوای لێکراوە.
ئەوانەی یەکەم جار ئەزموونی ئەم گەشتە کورتەیان کرد، هەست بە جیاوازیی ئەم ئۆتۆمبێلە لەگەڵ ئۆتۆمبێلەکانی دیکە دەکەن.
کۆمپانیای بەرهەمهێنەری ئەم جۆرە تایبەتەی تەکسی لە ساڵی 2020ـەوە دەستی بە تاقیکردنەوەی ئەم جۆرە ئۆتۆمبیلانە لە چەند شارێکی چین کردووە، بڕیارە تا ساڵی 2025 لە 30 شاری جیاوازی چین کاریان پێبکرێت.
