نەتەوە یەکگرتووەکان: رواندنی تلياک لە ئەفغانستان زياديکردووە

SNN

نەتەوە یەکگرتووەکان رایگەیاند: “لە ئەفغانستانی پڕ لە ململانێدا لە ساڵی 2020 دا بە ڕێژەی 37% بە بەراورد بە ساڵی رابردوو کشتوکاڵی تلیاک زیادیکردووە و ئەگەری هەیە نزیکەی شەش هەزار و 300 تەن تلیاک بەرهەم بهێنرێت”.

رێکحخراوی نەتەوە يەکگرتووەکان باسی لەوەشکرد:”ئەو ئەنجامانە بەشێکە لە راپرسییەکی نوێ کە نووسینگەی نەتەوە یەکگرتووەکان بۆ ماددە هۆشبەرەکان و تاوان (UNODC) بە هەماهەنگی لەگەڵ دەزگای ئامار و زانیاریی نیشتمانی ئەفغانستان (NSIA) ئەنجام دراوە”.

دەشڵێت: “راپرسییەکە دوو رۆژ دوای ئەوە راگەیەندرا کە ئەمەریکا و ناتۆ بە شێوەی فەرمی دەستیان بە کشانەوەی سەربازەکانیان لە ئەفغانستان کرد لە دوای نزیکەی 20 ساڵ چالاکی سەربازی نێودەوڵەتی لەو وڵاتەدا”.

ئاژانسی حکومەتی ئەمەریکا لە مانگی یەکدا بە کۆنگرێسی ئەمەریکای راگەیاند: “کە واشنتن لە ساڵی 2002 ەوە نۆ ملیار دۆلاری بۆ هەوڵەکان لە دژی مادە هۆشبەرەکان لە ئەفغانستان تەرخان کردووە”.