هاتووچۆی سلێمانی خاوەنی ژمارەیەک ئۆتۆمبێل ئاگادار دەکاتەوە

SNN

هاتووچۆی سلێمانی خاوەنی ژمارەیەک ئۆتۆمبێل ئاگادار دەکاتەوە، کە لە ساڵانی رابردوودا دەستیان بەسەردا گیراوە و تائێستا نەچوون بە لای ئۆتۆمبێلەکانیانەوە، ماوەی 15رۆژیان بۆ دیاریدەکات بۆ ئەوەی رێکارە یاساییەکان تەواو بکەن.

مقەدەم بەختیار محەمەد، بەڕێوەبەری راگەیاندن و پەیوەندیەکانی هاتووچۆی سلێمانی رایگەیاند: “144ئۆتۆمبێل هەیە کە لە ساڵانی رابردودا دەستیان بەسەردا گیراوە، ساڵانێکی زۆرە ئەو ئۆتۆمبێلانە ماونەتەوە و خاوەنەکانیان نایەن بە لای ئەو ئۆتۆمبێلانەوە بۆ ئەوەی وەریانبگرنەوە”.

وتیشی: “دەست بەسەرداگرتنی ئەو ئۆتۆمبێلانە لەسەر سەرپێچی جۆراو جۆربوە، ماوەی 15 رۆژ دراوە بە خاوەنەکانیان بۆ ئەوەی بچن ئۆتۆمبێلەکانیان وەربگرنەوە و رێکارە یاساییەکان تەواوبکەن”.

بەڕێوەبەری راگەیاندن و پەیوەندیەکانی هاتووچۆی سلێمانی راشیگەیاند: ئەو ئۆتۆمبێلانەی کە بێسەرەتان دەبرێنە دەرەوەی هەرێمی کوردستان و بەڵێننامەیەک لە خاوەنەکانیان وەردەگیرێت، ئەگەر دوای ئەو ماوەیەشی کە دانراوە خاوەنەکانیان نەچن بۆ وەرگرتنەوەی ئۆتۆمبێلەکان ئەوا لە زیادکردنێکی ئاشکرادا دەفرۆشرێن:.