سبەی تەواوکەری مانگی رەمەزان دەبێت و یەکەم رۆژی جەژن نییە

SNN

لیژنەكانی گەڕان بۆ مانگی شەوال لە ڕوانگە فەلەكییەكانی عەرەبستانی سعودیە ڕایانگەیاند كە ئێوارەی ئەمڕۆ سێ شەممە مانگی نوێی شەوالیان نەدیوە، بەم پێیەش سبەی چوارشەممە تەواوكەری ڕەمەزان دەبێت و دوو سبەی پێنج شەممە (13 ئایاری 2021) جەژنی ڕەمەزانی 1442 كۆچی/ 2021 زاینی دەبێت.

بەهەمانشێوە وەقفی سونی عێراقی بە پشت بەست بە ڕێکارەکانی دیاریکردن و لیژنەکان بۆ بینینی مانگ، بڕیاریداوە سبەی رۆژی چوارشەممە تەواوکەری مانگی ڕەمەزان بێت و رۆژی پێنجشەممە 13ی ئایاری 2021 دەبێتە یەکەم رۆژی جەژنی ڕەمەزان.

هەر ئەمڕۆ لیژنەی ئەوقاف لە هەرێمی کوردستان لە ڕێگەی تیمی تایبەتەوە، بەدواداچوون بۆ مانگی نوێی شەوال دەکرێت و گەر مانگی شەوال نەبینرا ئەوا رۆژی چوارشەممە تەواویکەری مانگی رەمەزان دەبێت و رۆژی پێنجشەممە یەکەم ڕۆژی جەژنی رەمەزان دەبێت.