بەهۆی گرژييەکانی نێوانيان تا ئێستا 35 کەس لە فەڵەستين و پێنج کەس لە ئيسرائيل کوژراوە

SNN

بەهۆی گرژييەکانی نێوان ئيسرائيل و بزوتنەوەی حەماس لە فەلەستين و مووشەک بارانکردنی يەکتری، تا ئێستا 35 کەس لە غەزە و پێنج کەسيش لە ئيسرائيل گيانيانلەدەستداوە و نزيکەی 700 کەسيش برينداربوون.

بزوتنەوەی حەماسی ئیسلامی کە بەڕێوبەرایەتی کەرتی غەزە دەکات رايگەياند: “زیاتر لە 130 موشەکی ئاڕاستەی قودس(ئۆرشەليم) کردووە”، ئاماژەیبەوەشکرد “هەڵدانی مووشەکەکان وەکو وەڵامدانەوەیەک بووە بۆ هێرشە ئاسمانییەکانی ئیسڕائیل بۆ سەر غەزە”.

کەتائیب عیزەدین قەسامی باڵی سەربازی حەماس لە بەیاننامەیەکدا دەڵێت” ئێستا و وەکو جێبەجێکردنی بەڵێنەکانمان، کەتائیب قەسام هێرشی موشەکی دەکاتە سەر قودس(ئۆرشەليم) کە گەورەترین هێرشی موشەکییە و تیایدا 130موشەک ئاڕاستەی ئەو شارە کراوە وەک وەڵامێک بۆ هێرشە ئاسمانییەکانی ئیسڕائیل”.

لە بەرامبەريشدا، سەرلەبەیانی ئەمڕۆ چوارشەممە سوپای ئیسرائیل رایگەیاند: “لەئاکامی هێرشی فڕۆکە جەنگییەکانیەوە بۆ سەر کەرتی غەززە، دوو سەرکردەی باڵای بزووتنەوەی حەماس کوژراون، ئەوانیش ، حەسەن قەهوەچی سەرۆکی دەزگای هەواڵگری بزووتنەوەی حەماس و وائل عیسای جێگريەتی”.