ته‌ندروستی جیهانی: كۆرۆنای هیندی له 44 وڵات بڵاوبووه‌ته‌وه
هيندستان
SNN
رێکخراوی تەندروستی جيهانی رايگەياند: “ئەو جۆرە گۆڕاوەی ڤايرۆسی کۆرۆنا کە سەرەتا لە هيندستان دۆزرايەوە، لە ئێستادا لە 44 وڵاتی جيهاندا بڵاوبووەتەوە”.
تەندروستی جيهانی لە راگەيەندراوێکدا دەڵێت “جۆری گۆڕاوی ڤايرۆسی کۆرۆنا کە بە “1.617.B” ناسراوە لە مانگی تشرينی يەکەمی ساڵی رابردوو لە هيندستان دۆزراوەتەوە، لە 44 وڵاتی جيهان بڵاوبووەتەوە، لەدەرەوەی هيندستان زۆرترين حاڵەتی ئەو جۆرە گۆڕاوەی کۆرۆنا لە بەڕيتانيا تۆمارکراوە” .
دوێنێ سێشه‌ممه، به‌هۆی زۆری رێژه‌ی مردن و توشبوان، به‌رپرسانی ته‌ندروستی هیندستان بڕیاریاندا، تاوه‌كو مانگێكی دیكه هیچ ئامارێكی توشبووان بڵاونه‌كه‌نه‌وه، هۆشداریشیان له داڕوخانی ته‌واوه‌تی سیستمی ته‌ندروستی وڵاته‌كه‌یاندا.
بەپێی ئامارەکانی تەندروستی هيندستان تا ئێستا زياتر لە 23 مليۆن کەس تووشی کۆرۆنا بوون، زياتر لە 254 کەسيش گيانيان لەدەستداوە، هەروەها زياتر لە 19 مليۆن کەس چاکبوونەتەوە.
