بافڵ تاڵەبانی پیرۆزبای جەژنی رەمەزان دەکات
بافڵ جەلال تاڵەبانی، سه‌رۆكى یه‌كێتیی نیشتمانیی كوردستان | فۆتۆ: SNN
SNN
بافڵ تاڵەبانی هاوسەرۆکی یەکێتیی نیشتمانیی کوردستان بەبۆنی جەژنی رەمەزانەوە گەرمترین پیرۆزبایی ئاراستەی خانەوادەی سەربەرزی شەهیدان و پێشمەرگە قارەمانەکان و گەلی کوردستان و عێراق دەکات.
هاوسەرۆکی یەکێتیی نیشتمانیی کوردستان دەڵێت: هیوادارم جەژنێکی پڕ لە دڵخۆشی و کامەرانی بەسەرببەن، دەمەوێت داوا لە سەرجەم هێز و لایەنە سیاسییەکانی هەرێم بکەم ئەم جەژنە بکەین بە بۆنەیەک بۆ زیاتر زیندووکردنەوەی رۆحی تەبایی، لێکنزیکبوونەوە و کاری هاوبەش لەپێناو دابینکردنی ژیانێکی شایستە و خۆشگوزەران بۆ کۆمەڵانی خەڵکی کوردستان کە ماندووی ساڵانێکی پڕ لە ناسەقامگیری سیاسی و ئابووریین. پێویستە بەدیهێنانی ماف و بەدەمەوەچوونی داخوازییە رەواکانی خەڵک کاری لەپێشینەمان بێت و هەنگاوی جدی بنێین لەو پێناوەدا.
