رێباز حەملان: دوای جەژن پڕۆژەیاسای بودجە رەوانەی پەرلەمانی کوردستان دەکرێت
رێباز حەملان یاریدەدەری سەرۆکی حکومەتی هەرێم
SNN
یاریده‌ده‌ری سه‌رۆكی حكوومه‌تی هه‌رێمی كوردستان بۆ كاروباری ئه‌نجوومه‌نی باڵای وه‌به‌رهێنان و ئه‌نجوومه‌نی گشتیی ڕاژه رایگەیاند: دوای جەژنی رەمەزان پڕۆژەیاسای بودجە رەوانەی پەرلەمانی کوردستان دەکرێت.
رێباز حەملان یاریده‌ده‌ری سه‌رۆكی حكوومه‌تی هه‌رێمی كوردستان بۆ كاروباری ئه‌نجوومه‌نی باڵای وه‌به‌رهێنان و ئه‌نجوومه‌نی گشتیی ڕاژه، لە هەژماری خۆیدا لە تۆڕی كۆمەڵایەتی فەیسبووک بڵاویکردەوە: “پاش جەژنی رەمەزان پرۆژە یاسای بودجەی ھەرێمی کوردستان رەوانەی پەرلەمان دەکرێت”.
ئاماژەی بەوەش داوە: “بودجەی 2021 بۆ ئاوەدانیی زیاتر لە رێگاوبان و کەرتی پەروەردە و فێرکردن و وەبەرھێنان و رێکخستنەوەی داھاتی باج و خاڵە سنورییەکان و گومرگ دەبێت”.
نوسیویشیەتی: “لەگەڵ ھاتنی مافە داراییەکانی ھەرێمی کوردستان لە بەشە بودجەی 2021ی عێراق، ھیواکان بۆ گوزەرانێکی باشتر دێنەدی”.
یاریده‌ده‌ری سه‌رۆكی حكوومه‌ت باسی لەوەشکردوە: “لە پێناو ئەوەی مووچەی مووچەخۆران باشتر رێک بخرێتەوە، لە بەرژەوەندیی مووچەخۆران و نەھێشتنی مووچەی وەھمی و ئەوانەی بە نایاسایی زیاتر لە مووچەیەک وەردەگرن، بودجە ئامادە دەکرێت”.
