سەنتەری زانیاری گەشتیاری لە سلێمانی کرایەوە
SNN
بەڕێوەبەرایەتی گەشتوگوزاری پارێزگای سلێمانی كردنەوەی سەنتەرێكی خزمەتگوزاری تایبەتی گەشتیارانی لە پارێزگاكە راگەیاند.
بەپێی راگەیانراوێکی بەڕێوبەرایەتی گەشتوگوزاری سلێمانی: “سەنتەرەكە بە سێ زمانی كوردیە و عەرەبی و ئینگلیزی، ڕێبەر و نەخشەی گەشتیاری بەسەر گەشتیاراندا دابەش دەكات”، ئاماژە بۆ ئەوەش دەكات كە، “سەنتەرەكە سەرجەم زانیاری و ناونیشانی وردی ناوچە گەشتیارییە ئاینی و شوێنەوارییەكانی پارێزگاکانی سلێمانی و هەڵەبجە و سنوری ئیداری راپەڕین لەخۆ دەگرێت”.
هەر لە راگەیەنراوەکەدا هاتووە: “كارمەندانی سەنتەرەكە ڕاسپێردران كە لەكاتی پێویستدا وەڵامی هەموو پەیوەندی گەشتیاران بداتەوە لە ڕێگەی ئەم ژمارە تەلەفونەوە: 07725120235”.
