قوباد تاڵەبانی لەگەڵ بەرپرسانی باڵیۆزخانەی عێراق لە ئەرمینیا کۆبووەوە
SNN
قوباد تاڵەبانی جێگری سەرۆکوەزیرانی هەرێمی کوردستان لە میانەی سەردانەکەیدا لە ئەرمینیا لەگەڵ محەمەد عوبێد جەبر هەڵسوڕێنەری کاروباری باڵیۆزخانەی عێراق لەو وڵاتە کۆبووەوە و پێکەوە هەندێ پرسیان تاوتوێ کرد.
لە کۆبوونەوەکەدا کە ئەمڕۆ 16 ئایاری 2021 بەڕێوەچوو، باسی دۆخی رەوەندی کوردی و عێراقی کرا لە ئەرمینیا و بڕیاردرا هەماهەنگی زیاتر هەبێت لەنێوان حکومەتی هەرێم و باڵیۆزخانەی عێراق لە ئەرمینیا بۆ چارەسەرکردنی کێشەکانی رەوەندی کورد لەو وڵاتە.
لە بەشێکیتری کۆبوونەوەکەدا تاوتوێی چۆنییەتی بەهێزکردنی پەیوەندییەکانی نێوان عێراق و هەرێمی کوردستان لەگەڵ کۆماری ئەرمینیا کرا و لەم چوارچێوەیەشدا قوباد تاڵەبانی دید و تێڕوانینی خۆی بۆ بەرپرسانی باڵیۆزخانەی عێراق خستەڕوو.
سەردانەکەی قوباد تاڵەبانی بۆ کۆماری ئەرمینیا لەسەر بانگهێشتی فەرمی حکومەتی ئەرمینیایە و لە 14ی ئەم مانگەوە دەستیپێکردووە و سێ رۆژ دەخایەنێت، لەم سەردانەدا هەر یەکە لە دارا رەشید وەزیری پلاندان و ئومێد سەباح سەرۆکی دیوانی ئەنجومەنی وەزیران یاوەری جێگری سەرۆک وەزیرانن.
